ଭକତି ଭାବେ ପୂଜିବି  ମୁହିଁ
ସୁଜିତ କୁମାର ମିଶ୍ର
ଅଗଷ୍ଟ: ୨୦୨୬
Canonical: https://sishu.kabitawithoutborders.org/shishu/article_details-2fdb616cf6.html

ଜଗତର ସେ ବଡ ଠାକୁର 

ସିନା ସେ ଅଧାଗଢା, 

ଆମ ଜୀବନ ମୁକତି ପଥେ 

ତାଙ୍କ ଆଶିଷ ଲୋଡା । 

ଦେଖୁଛନ୍ତି ସେ ସାରା  ସଂସାର 

ମୁରୁକି ହସି ହସି, 

ଭକତ ଲୁହ ପୋଛୁଛନ୍ତି  ସେ 

ଭାବରେ ଦିବାନିଶି । 

ସାଗର ନଈ ଯାଆନ୍ତି  ବହି 

ଖୁସି ଓ ଆନନ୍ଦରେ, 

ସୂରୁଜ ଚନ୍ଦ୍ର  ଆକାଶେ ଉଭା 

ତାଙ୍କରି ଇଙ୍ଗିତରେ । 

ବରଷେ ଥରେ ବଡଦାଣ୍ଡକୁ 

ଆସନ୍ତି ଘୋଷଯାତେ, 

ସୁଖଦୁଃଖରେ  ରହନ୍ତି ସିଏ 

ଭକତ ଜନ ସାଥେ । 

 ଏମିତି ଦିଅଁ ଦେଖିଛ କାହିଁ 

ନିଜ ଆସ୍ଥାନ ଛାଡି, 

ଆସନ୍ତି ଯିଏ  ଆଷାଢ଼ ଶୁକ୍ଳେ 

ବଡଦାଣ୍ଡକୁ ମାଡି  । 

ହୁଅନ୍ତି ବିଜେ  ସୁନାବେଶରେ 

ଦିଶନ୍ତି ଝଲମଲ, 

ମନେ ହୁଅଇ ମର୍ତ୍ତ୍ୟେ  ଆସିଛି 

ସୁଖର ମଧୁକାଳ । 

ତୁମ ଅପୂର୍ବ  ବଡପଣର 

 ନାହିଁ ତ ପଟ୍ଟାନ୍ତର, 

 ଭକତି ଭରେ ପୂଜିବି  ମୁହିଁ 

 ଅନ୍ତରୁ ନିରନ୍ତର । 

 ∎ 

 

 ଜନାର୍ଦ୍ଦନପୁର ଶାସନ 

  କେନ୍ଦୁଝର 

  ୭୬୮୩୮୬୭୭୪୨