ମାଆ  ଆମ ସାହା
କବିଜ୍ୟୋତି  ନିରଞ୍ଜନ ପତି
ନଭେମ୍ବର : ୨୦୨୪
Canonical: https://sishu.kabitawithoutborders.org/shishu/article_details-2e62baa0b0.html

`ମା` ରୁ ମାଟି ଓ `ଆ` ରୁ ଆକାଶ


                                  ସେହିପରି ଆମ ମାଆ,


                                  ଏଇ ଦେହ ପାଳି ପୋଷି ବଢାଇଚି 


                                  ବିପଦରେ କହି ଆହା । 


                                  ମାତା କେବେ ହେଲେ କୁମାତା ନହୁଏ 


                                  ହେଉ କୁପୁତ୍ର , କୁକନ୍ୟା,


                                  ମାଆ ଋଣ ଏଇ ଜୀବନେ ଅସୁଝା 


                                  ସଂସାରେ ସେ ଏକା ଧନ୍ୟା । 


                                  ସହେ ଆମ ଗାଳି ଅଳି ଅରଦଳି 


                                  ଶିଖାଇ ଥାଏ ସେ ଭାଷା,


                                  ଅନିଦ୍ରା ରହି ସେ ସେବା କରି ଥାଏ 


                                  ଆମ ଭଲ କରେ ଆଶା । 


                                  ମାଆ,ବୋଉ ଛାର ମଣିଷ ଟେ ନୁହେଁ  


                                  ସିଏ ତ ପ୍ରକୃତ ଦେବୀ,


                                  ପାଇ ତା` ଆଶିଷ ଆମେ ତ ମଣିଷ  


                                  ତା` ପଦ ଯୁଗଳ ସେବି ।


                                  ପେଇ ଥନ କ୍ଷୀର ଅମୃତର ଧାର 


                                  ଟାଣ କରିଚି ଏ ଦେହ,


                                  ଜୀବନରେ ସବୁ ଭୁଲି ଯାଇ ହୁଏ 


                                  ଅଭୁଲା ମାଆର ସ୍ନେହ । 


                                  ଆମ ପାଇଁ ସିଏ ବଡ଼ ଡାକତର 


                                  ବଡ଼ ରାନ୍ଧୁଣିଆ ହୁଏ,


                                  ମହାନ ସେବିକା ଜୀବନେ ଧାବିକା 


                                  ରକ୍ଷା କାରୀ ପରା ସିଏ । 


                                  ସମସ୍ତଙ୍କ ଗୁଣ ବଖାଣି ହୁଅଇ 


                                  ତାଗୁଣ ସରେନି କେବେ,


                                  ସିଏ ଅନ୍ତର୍ଯ୍ୟାମୀ ତା` ପଦକୁ ନମି  


                                  ଶ୍ରଦ୍ଧାଞ୍ଜଳି ଦିଏ ଏବେ । 


                                  ତାକୁ ଭୁଲିବିନି କେବେ । 





                                             ∎  



                                  ଗାନ୍ଧୀ ମାର୍ଗ, ଅନୁଗୋଳ  


                                ମୋ-୯୯୩୮୧୩୩୫୫୯