ରଙ୍ଗ ପରବ
ଲକ୍ଷ୍ମୀଧର ନାୟକ
ମଇ: ୨୦୨୬
Canonical: https://sishu.kabitawithoutborders.org/shishu/article_details-2e5f7e3cc2.html

ରଙ୍ଗ ପରବ ଆସିଛି  ହୋଲି ରଙ୍ଗର ପସରା ଧରି,

  ଆସରେ ପିଲେ ଖେଳିବା  ଆସ ସାଙ୍ଗ ସାଥି ହୋଇ କରି । 

ପିଚିକାରୀ ମୁଁ ଆଣିଚି  କେତେ ଛୋଟ ବଡ ଭଳି ଭଳି,

  ନାଲି, ସବୁଜ, ହଳଦୀ,ନୀଳ ଫଗୁ ନିଅ ଛାଡ କଳି । 

ରାସାୟନିକ ରଙ୍ଗ  ନେଇକି ଖେଳିବା ନାହିଁରେ ଆମେ,

  ଦେହ ଖରାପ ହେବନି ଜମା  ସୁସ୍ଥ ରହିବ ତୁମେ । 

ମିଠା ଆଣିଚି ଦେଖିବ  ଆସ ଖାଇବା ସଭିଏଁ ମିଶି,

  ମିଠା ଖାଇକି ରଙ୍ଗ  ବୋଳିକି ଖେଳିବା ଆନନ୍ଦେ ହସି । 

ନାଚ କରିବା ଏଇଠି ସବୁ  ବଜାଇ ଭାଙ୍ଗଡା ବାଜା,

  ଅଭିନନ୍ଦନ ଜଣାଇ ଆମେ  କରିବା ବହୁତ ମଜା । 

ଆମ ସଂସ୍କୃତି  ପରମ୍ପରା ତ ଦୁନିଆଁରେ ଶ୍ରେଷ୍ଠ ଅଟେ,

  ସେଇଥିପାଇଁ ଆମରି ଦିନ  ହସ ଖୁସି କରି କଟେ । 

∎ 

ବାଉଁଶିଆପଡା, ନୟାଗଡ଼ 

  ୮୨୭୦୩୭୨୪୯୮