ଇଚିରି-ମିଚିରି
ଧୀରେନ ମିଶ୍ର
ଡିସେମ୍ବର: ୨୦୨୫
Canonical: https://sishu.kabitawithoutborders.org/shishu/article_details-29a0237150.html

ଇଚିରି-ମିଚିରି         ଧାଏଁ ଚିରିଚିରି 

  କିଚିରି କରିଲା କେଁ 

  କଇଆଁ ଗଛରୁ      ହନୁ ଝାମ୍ପ ଦେଲା 

  ପାତି କାନ୍ଦୁଥିଲା ଭେଁ । 

  କାହିଁକିରେ ପାତି       କାନ୍ଦିଲୁ ଏମିତି 

  କିଏ କି` କହିଲା ତୋତେ 

  କାନମୋଡି ତାକୁ      ସାବାଡ କରିବି 

  ନାଆଁ ତା`ର କହ ମୋତେ । 

  କହିବୁନି ଯଦି କହ 

  ତୁଉନି-ତାଆନି ରହ । 

  ଗୁଣ୍ଡୁଚି ଚଢିଲା    ମକା ଗଛରେ ଲୋ`

  ଏଣ୍ଡୁଅ ଖାଇଲା ଯଅ। 

  ଯଅ ଗଛ ବଡ ଡେଙ୍ଗା 

  ଏଇବାଟେ ଗଲା   ଡେଙ୍ଗେଇ ନାନୀ ମୋ`

  ମୁଣ୍ଡରେ ବାଜିଲା ଠେଙ୍ଗା । 

  ∎ 

  ଶୁଶୁଡା, ଅନୁଗୋଳ 



  ମୋ – 7978087891-