ଆମ ମାତୃଭୂମି
କବିଜ୍ୟୋତି ନିରଞ୍ଜନ ପତି
ଏପ୍ରିଲ: ୨୦୨୫
Canonical: https://sishu.kabitawithoutborders.org/shishu/article_details-2986850242.html

ମାତୃଭୂମି ଆମ ପବିତ୍ର ଭାରତ


                                  ସିଏ ତ ଭାରତ ମାତା,


                                  ତା` ଭୂମିରେ ବଢି ଆଗକୁ ଯାଏ ମୁଁ


                                  ସିଏ ସଉଭାଗ୍ୟ  ଦାତା ।


                                  ଜନ୍ମଦାତ୍ରୀ ଠାରୁ  ଅଧିକ ମହାନ


                                  ଏଇମୋ ଭାରତ ଭୂଇଁ,


                                  ଶସ୍ୟ ଶ୍ୟାମଳା ସେ  ଖାଦ୍ୟ ଜଳ ଦିଏ


                                  ତା`ରେ ମଥା ଯାଏ ନଇଁ ।


                                  ଏଇ ମା` କୋଳରେ କେତେ ବୀରନର


                                  ରଖି ଯାଇଛନ୍ତି ଯଶ,


                                  ସେନେହ ମମତା ପାଇ  ଏ ମାଆର


                                  ସଦା ଆମେ ହସହସ ।


                                  ଭାରତ ଭୂଇଁ ର  ସାଗର ଜଙ୍ଗଲ


                                  ସୁନ୍ଦର ସେ କେଡ଼େ  ଭଲ,


                                  ନଦୀ କ୍ଷେତ ବାଡ଼ି  ବଡ଼ କମନୀୟ


                                  ମନଲୋଭା ତାର ଫୁଲ  ।


                                  ଏଇ ମୋ ଜନମ ଭୂଇଁ  ରେ ରହିଛି


                                  କେତେ ଯେ ସହର  ଗାଆଁ,


                                  ଦେବତା ଓ ସାଧୁ  ସନ୍ଥଙ୍କ ର ସ୍ଥାନ


                                  ରଖି ଯାଇଛନ୍ତି  ନାଆଁ ।


                                  ଯୋଉଠି ଥାଉ ବା  ଯୁଆଡ଼କୁ ଯାଉ


                                  ଭାବୁ ଭାରତର କଥା,


                                  ଏଇ ମାତୃଭୂମି  ଭାରତ ପଦରେ


                                  ନୁଆଇଁ ଦେବାତ ମଥା  । 


                                  ଏଇ ମା`  ମାଟିରେ ଖେଳିଛେ,ବଢିଛେ 


                                  ଭୁଲି ବାନି ତାର ଦାନ,


                                  ବଞ୍ଚିଥିବା ଯାଏ ଗାଇ ଚାଲୁଥିବା 


                                  ମାଆ ମାଟି ଯଶ ଗାନ । 


                                    ∎  


ସମ୍ପାଦକ,  ମଧୁମାଳତୀ 


                                  ଗାନ୍ଧୀ ମାର୍ଗ, ଅନୁଗୋଳ


                                  ମୋ-୯୯୩୮୧୩୩୫୫୯