ତାଙ୍କୁ ନ ଭୁଲିବେ  କେହି
ଶ୍ରୀ ପ୍ରଫୁଲ୍ଲ କୁମାର ସାହୁ
ଡିସେମ୍ବର: ୨୦୨୫
Canonical: https://sishu.kabitawithoutborders.org/shishu/article_details-295a4aeb50.html

ପିତା ମାତା ଠାରୁ ବଡ଼  ଦେବତା କେ 

  ସରଗ ରାଇଜେ ନାହିଁ,

  ଦୁନିଆ ରେ ଯେତେ ବଡ଼  ହେଲେ ଆମେ 

  ତାଙ୍କୁ ନ ଭୁଲିବା  କେହି l ୧  l

ସରଗ ଠୁଁ ବଡ଼ ଆମ  ଜନ୍ମ ଦାତା 

  ଧରଣୀ ଠୁଁ ବଡ଼ ମାତା,

  ବିପଦେ ଆପଦେ ତାଙ୍କ  ଆର୍ଶିବାଦେ 

  ହୋଇବା ଜଗତ ଜିତା l ୨ l

ସେନେହ ଝରଣା ସଦା  ଝରୁଥାଏ 

  ମାଆ ର ଅନ୍ତର ତଳୁ,

  ଯେତେ ଭୁଲ୍ କଲେ ରାଗ  ରୋଷ ଭୁଲି 

  ଉଠାଇ ନିଏ ସେ ତଳୁ l ୩ l

ମାଆ ର ପଣତ ଶ୍ରୀ  ମନ୍ଦିର ନେତ 

  ବିପଦକୁ ଦିଏ ତଡି,

  ତାହାରି ମମତା ହାତ  ଠାରି ଡାକେ 

  ଯେତେ ଦୂରେ ଗଲେ ଉଡ଼ି  l ୪  l

ବରଗଛ ପରି ଶୀତଳ  ପ୍ରଛାୟା 

  ଦେଇଥାନ୍ତି ଆମ ପିତା,

  ଦୁନିଆ ଦାଣ୍ଡରେ  ଚାଲିବା ପାଇଁ ସେ 

  କହିଥାନ୍ତି ହିତ କଥା l ୫ l

ନିଇତି ସକାଳେ ତାଙ୍କ  ପାଦ ତଳେ 

  କଲେ ଆମେ ନମସ୍କାର,

  ଦିନଟି ଆମର ଶୁଭ ରେ  କଟିବ 

  ବିପଦ ହୋଇବ ଦୂର l ୬ l

∎ 

  ଯଦୁ - ମାଳତୀ କୃପା  ନିବାସ,

  ଶକ୍ତି ବିହାର /  ବାଲିପଡ଼ା, ମାହାଙ୍ଗା,

  ଜି - କଟକ -୭୫୪୨୦୭ 



  ମୋ – ୭୬୦୯୦୪୪୩୮୩