ଆ` ମାହୁନ୍ତ ଆ`
ନୀଳମଣି  ଚାନ୍ଦ
ଜୁନ: ୨୦୨୪
Canonical: https://sishu.kabitawithoutborders.org/shishu/article_details-29069518fa.html

ଆ` ରେ ଆ`  ମାହୁନ୍ତ ଆ`

                                  ପୋଷା ହାତୀକୁ ନେଇ

                                  ହାତୀଟି ଦେଖି ହୋଇବୁ ଖୁସି

                                  ଗଲେ ଗାଁ ଦାଣ୍ଡ ଦେଇ ।

                                     ଛଵିବହିରୁ ଦେଖିଛୁ ଆମେ

                                  ହାତୀର ଛବି ଯାହା

                                  ଶୁଣେଇ ଥିଲେ ହାତୀର ଗପ

                                  ଦିନେ ମୋ ଆଈମା`  ।

                                   ନଡ଼ିଆ,ଧାନ,କଦଳୀ ଦେବୁ

                                  ଖାଇବ ମନ ଭରି

                                  ବାଡ଼ି ଗଛରୁ ଆଣିବୁ ଡାଳ

                                  ଆମେରେ ଭାଙ୍ଗି କରି ।

                                   ହାତୀ ପିଠିରେ ବୁଲି ଆସିଲେ

                                  ବାବାଲି ଆଉ ଟିନା

                                  ଡାକ ଭୁଲେଇ ଆ`  ଓହ୍ଲେଇ

                                  ରାଜି ହେଵେନି ଜମା ।

                                   ଅଜା କହିବେ ଏ ହାତୀଟିକୁ

                                  ରଖିବା ଆମ ଘରେ

                                  କହିଵେ ଆଈ  କିଣିଦେବିରେ

                                  ହାତୀ ଛୁଆଟେ ପରେ    

                                  ମାହୁନ୍ତ  ହସି କହିଲା ପିଲେ

                                  ଫେରିବୁ ଆମେ ଘର

                                  ହାତୀ ଦେଖିଲ ମଜା ପାଇଲ

                                  ଏଵେରେ ଵହି ଧର ।

  ∎                                  ମନ୍ତ୍ର ମାନୋର,ଗୋଠପାଟଣା

                                  ଭୁବନେଶ୍ୱର,ମୋ-୯୫୮୩୨୦୨୩୫୭