ଖୋଜୁଥିଲେ ତାକୁ ଅଜା
ସସ୍ମିତା ସ୍ୱାଇଁ
ଅଗଷ୍ଟ: ୨୦୨୬
Canonical: https://sishu.kabitawithoutborders.org/shishu/article_details-27f98545b9.html

ସବୁ ଋତୁ ଲାଗେ  ଗିରିଷମ ପରି 

 ଆଉ ସବୁ ଗଲେ କାହିଁ 

 ମନ ଦୁଃଖେ ବସି  ଭାବୁଛି କୋଇଲି 

 ଦିନ କାଳ ଭଲ ନାହିଁ l

 କଳାବୋଲି ତାର ମନଦୁଃଖ  ହୁଏ 

 ଖୁସି ମିଳେ କଣ୍ଠସୁରେ 

 କେତେ ମିଠାମିଠା କୁହୁ  ତାନ ତାର 

 ତା `ସୁରକୁ ମନ ଝୁରେ ।  

 ମଳୟ ପବନ ମହକ ନାହିଁତ 

 କିଏ ନେଲା ତାଙ୍କୁ  ହରି 

 ଥୁଣ୍ଟା ଖୁଣ୍ଟା ଗଛ  ନିଆଁ ପରି ଖରା 

 ଦେଖି ରହିଥାଏ ଡରି l

 କୋଇଲି ଖୋଜୁଛି  ଆମ୍ବଗଛ ଡାଳ 

 ବସନ୍ତପବନ ମଜା 

 ବହଳ ପତର ଗହଳିଆ  ଗଛେ 

 ଖୋଜୁଥିଲେ  ତାକୁ ଅଜା l

 ∎ 

 ଶିଶିଲୋ  ବାଳକାଟୀ  ଖୋର୍ଦ୍ଧା 

 ୯୮୬୧୦୬ ୯୮୨୯