ଏ ଆଇ ତୋ ଆଈ
ଦୀନବନ୍ଧୁ ପୋଇ
ଅଗଷ୍ଟ: ୨୦୨୬
Canonical: https://sishu.kabitawithoutborders.org/shishu/article_details-24e21ddf38.html

ଏ  ଆଇ ସିନା ମଣିଷ ନୁହଁଇ

ଯନ୍ତ୍ରର  ଭିତରେ  ଥାଏ

ରାତି  ଅଧେ ତାକୁ ପଚାରିଲେ କିଛି

ସାଥେ  ସାଥେ କୁହେ ସିଏ ।

ମଣିଷ  ପରିକା ପାଟି ନ ଖୋଲଇ

ଲିପିରେ  ଉତ୍ତର ଦିଏ

ଶରଧାରେ  କେବେ ନପାରେ କୋଳେଇ

ଆଖିକୁ  ନିଦ ନ ହୁଏ ।

କେବେ  ଶୁଏ ନାହିଁ ଖାଦ୍ୟଖାଏ ନାହିଁ

ସଦା  ଜାଗ୍ରତ ସେ ଥାଏ

 ଯେମିତିକା  ପ୍ରଶ୍ନ ପଚାରିଲେ ତାକୁ

ସେ  ଉତ୍ତର ଦେଇ ଦିଏ ।

ତୋ  ଆଈ ତୋତେ କାଖେଇ କୋଳେଇ

ଏଠାରୁ  ସେଠାକୁ ନିଏ 

,

ଯାହା ଯାହା ସିଏ ଦେଖାଇ ଶିଖାଏ

ଜ୍ଞାନ ଯେ ତୋ ବଢ଼ୁଥାଏ ।

ତୋ ଆଈ ନଥିଲେ କାମରେ ଲଗାଉ

ଯାହା ଜ୍ଞାନ ଜମାଥାଏ

ଏଆଇ ନଥିଲେ ଯାହା ଲୋଡୁ ତୁହି

ଆଉ ଦେବ ସବୁ କିଏ ?

ତୋ ଆଈ ସହ ଏ ଆଇ ହେବନି

ଏକଥାକୁ ମନେ ରଖ

ବାତ୍ସଲ୍ୟ ମମତା ବିହୋଳ ରସରେ

ଆଈ ଟାଣି ନିଏ ପାଖ ।

ଏଆଇକୁ ଛାଡି ତୋ ଆଈକୁ ଧର

ଭବିଷ୍ୟ ହେବ ଉଜ୍ଜଳ

ନୁହଁଇ ସେ ବଡ଼ ଗଢ଼ିଛି ମଣିଷ

ଦେଇ ତାକୁ ବୁଦ୍ଧିବଳ  ।

∎ 

ଗୋରଡ଼ା ପାଳ , କରମୁଳ

ଢେଙ୍କାନାଳ , ପିନ. ୭୫୯୦୧୪

ଦୂରଭାଷ - ୯୯୩୮୮୦୨୪୧୨