ରଜମଉଜ
ଶ୍ରୀମତୀ ତନୟା ଦାସ ଗୋସ୍ୱାମୀ
ଜୁନ: ୨୦୨୪
Canonical: https://sishu.kabitawithoutborders.org/shishu/article_details-24cf0969a2.html

ଭାରି ଛନ ଛନ ହେଲାଣି ମୋ ମନ, 


                                  ଆଜି ତ ପହିଲି ରଜ,


                                  ବରଷକେ ଥରେ ମୁହଁ ଦେଖାଇଛି, 


                                  ଆସ ହେବା ସଜବାଜ l


                                  ନୂଆବୋହୂ ଆଜି ସଜ କରିଦେବ 


                                  ଚନ୍ଦନରେ ଚିତା କାଟି,.... 


                                  ରଙ୍ଗ ବେରଙ୍ଗର ନୂଆ ଜାମା ପିନ୍ଧି 


                                  ଖୁସି ରେ ପଡିବା ଲୋଟି l 


                                  କେତେ ପିଠାପଣା କେତେ ଯେ ଉଖୁଡା 


                                  ତା ସଙ୍ଗେ ରହିଛି ମୁଢି, 


                                  ବୋହୁଚୋରି,  ଲୁଡୁ, ତାଆସ  ଖେଳକୁ... 


                                  ଆକାଶେ ଉଡ଼ିବ ଗୁଡ଼ି l 


                                  ଦୋଳି ଖେଳ କଥା କହନା ଆଉରେ.... 


                                  ଦୋଳି ତାଳେ ତାଳେ ଗୀତ,


                                  ପାଦୁକ,  ବଉଳ, ମକର, ସଙ୍ଗାତ... 


                                  ଆସ ଆସ ଯେତେ ମିତ l 


                                  ଭୁଲି ଭେଦଭାବ ଏ ରଜ ପରବେ 


                                  ଅଛି ଯେତେ କଳିଗୋଳ...... 


                                  ପୋଛିଦେବା ମନୁ ରାଗରୋଷ  ସବୁ, 


                                  ହୋଇ ଆମେ ଏକ ମେଳ l


 ∎