ଗଣି କି ପାରିବା
ଡ. ବିଜୟା ପାତ୍ର
ମାର୍ଚ୍ଚ: ୨୦୨୫
Canonical: https://sishu.kabitawithoutborders.org/shishu/article_details-234353f4d0.html

ଗଣି କି ପାରିବା ସାଗର ବକ୍ଷରେ 


                                  କେତେ ଯେ ଲହରୀ ଉଠେ 


                                  ଗଣି କି ପାରିବା ଆକାଶ ଛାତିରେ 


                                  କେତେ ତାରା ଫୁଲ ଫୁଟେ 


                                  ଗଣି କି ପାରିବା ନଈପଠା ଶେଯେ 


                                  ଅଛି କେତେ ବାଲି ରେଣୁ 


                                  ଗଣି କି ପାରିବା ପଦାର୍ଥ ଭିତରେ 


                                  କେତେ ଅଣୁ ପରମାଣୁ। 


ଗଣି ନପାରିବା ପୋଥି ପତରରେ 


                                  ଥିବା ତଥ୍ଯ ପରିମାଣ 


                                  ଗଣି ନପାରିବା ଗ୍ଯାନ ଭଣ୍ଡାର ରେ 


                                  ଭରି ଅଛି କେତେ ଗ୍ଯାନ 


                                  ଗଣି ନପାରିବା ପିତାମାତାଙ୍କ ର 


                                  ବାତ୍ସଲ୍ୟ ମମତା କେତେ 


                                  ମାପି ହେବ ନାହିଁ ଦୁଃଖୀ ମଣିଷର 


                                  ଯାତନା ଯନ୍ତ୍ରଣା ଯେତେ। 


ଗଣି ହେବ ନାହିଁ ଜାଣି ହେବ ନାହିଁ 


                                  ମାପି ହେବ ନାହିଁ ଯାହା 


                                  ଜଗତ ଈଶ୍ବର ଏକା ଅଧୀଶ୍ଵର 


                                  ଉତ୍ତର ଦେବାକୁ ତାହା। 





                               ∎