ଗାଲୁରୁଗାଲୁ
ଡକ୍ଟର ରାଜକିଶୋର  ପାଢୀ
ଏପ୍ରିଲ: ୨୦୨୪
Canonical: https://sishu.kabitawithoutborders.org/shishu/article_details-1e5088030d.html

ଚୁଟିଆମୂଷା ଓଳିଆ କାଟି 


                                  ଧାନ ନଉଟି ବୋହି 


                                  ପୁଷିମାଉସୀ ଚୂଲୀ ମୁଣ୍ଡରେ 


                                  ନିଦରେ ଗଲା ଶୋଇ । 


                                  ଆମରି କୁନା ଶୋଇବ ତାକୁ 


                                  ମାଡ଼ିଆସୁଚି ହାଇ 


                                  ସରଗଶଶି କୁନା ଆଡ଼କୁ 


                                  ରହିଚି ଦେଖ ଚାହିଁ । 


                                  କୁନା କହିଲା : ଆସିବ ମାମୁ 


                                  ଦେଖିବା ଯାତ ଯାଇ 


                                  ମାମୁ କହିଲେ : ଶୋଇପଡ଼  ତୁ 


                                  ଆଜି ମୋ ବେଳ ନାହିଁ ।   


                                  କାଲିଆଡ଼କୁ ଆସିବି ବାବୁ 


                                  ସାଂଗରେ ଥିବ ମାଇଁ 


                                  ପିଇଦେ ଆଉ ଟୋପିଏ କ୍ଷୀର 


                                  ଦେଇଚି କାଳୀ ଗାଈ । 


                                  ଶୋଇପଡ଼ିବ ଏଥର କୁନା   


                                  ମାଡ଼ିଆସୁଚି  ହାଇ 


                                  ମୋ  ଧନମାଳି ଗାଲୁରୁଗାଲୁ 


                                  ଗୀତ ଦେଲାଣି ଗାଇ । 


                                  ମାଆ କହିଲେ ଗପ ଗୋଟିଏ 


                                  ନାଆଁ ତା ଟୁଆଁ ଟୁଇଁ 


                                  ନିଦ ମାଉସୀ ଆଉଁଶି ଦେଲା 


                                  କାଉଁରୀ କାଠି ଛୁଇଁ । 


∎