ରିମ୍ ଝିମ୍ ଗୀତଗାଇ
ପ୍ରଶାନ୍ତ କୁମାର ଦାଶ
ସେପ୍ଟେମ୍ବର: ୨୦୨୬
Canonical: https://sishu.kabitawithoutborders.org/shishu/article_details-178dac6c0a.html

ରିମ୍ ଝିମ୍ ଗୀତଗାଇ 

ଖସିପଡେ ବରଷା 

ଚାଷପାଇଁ ଚାଷୀଭାଇ 

ପାଇଯାଏ ଭରସା ||

କଅଁଳଇ ଗଛଡାଳେ 

ଶୁଖିଥିବା ପତର 

ଦୂରେ ବହୁଦୂରେ ଛୁଟେ 

ତାର ବାସ ଅତର ||

ଘାସର ଗାଲିଚା ପରେ 

ସାଧବାଣୀ ବୋହୂଟି 

ରାସ ରଚେ ଓଠୁ ଢାଳି 

ମିଠା ହସ ମହୁଟି ||

ଝିପି ଝିପି ବରଷାରେ 

ପାହିଯାଏ ରାତିଟା 

ଘଡଘଡି ଡାକଦେଲେ 

ଥରିଯାଏ ଛାତିଟା ||

ହଜାଇଲା ଚାଷୀ ଦୁଃଖ 

ବରଷାଟି ଆସିରେ 

ପାଣିସୁଏ କାଗଜର 

ଡଙ୍ଗାଗଲା ଭାସିରେ ||

ଆଷାଢ଼ ଶ୍ରାବଣ ଦୁଇ 

ବରଷାର ଋତୁଟି 

ବୋଉ ତୋଳି ଆଣେ ଯାଇ 

ହୁଙ୍କା ମୂଳୁ ଛତୁଟି ||

ଵରଷା ଵରଷି ଦିଏ 

ନଈ ଛାତି ପୂରଇ 

ବରଷାକୁ ଦେଖି ଦୁଃଖୀ 

ଲୋକ ମଥା ଘୁରଇ ||

∎ 

କୁଞ୍ଜର -ସଙ୍ଗଳାଇ 

ପିପିଲି -ପୁରୀ 

ମୋବାଇଲ -୯୬୬୮୮୨୨୧୯୦