ଆ ରେ ବରଷା ଆ
ଧନଞ୍ଜୟ ସ୍ୱାଇଁ
ଅଗଷ୍ଟ: ୨୦୨୬
Canonical: https://sishu.kabitawithoutborders.org/shishu/article_details-13bdc17a3f.html

ଆ ବରଷା ଆ 

 କୁନା  ସାଥିରେ କାଗଜ ଡଙ୍ଗା 

 ଭସେଇ ଦେଇ ଯା!!’।  

 

 କୂଅରେ ପାଣିନାହିଁ ତ  ଆଉ,

 ପାଣି କାଢ଼ିବ କେଉଁଠୁ  ବୋଉ 

 କୂଅରେ ପାଣି ଭରି ଦେଇ  ତୁ ଯା 

 ଆ ବରଷା ଆ!! ’।

 

 ପାହାଡ, ବିଲ, ପଡିଆ, ଦଣ୍ଡା 

 ଧୂସର ଏବେ ଦିଶୁଛି  ନଣ୍ଡା 

 ଫୁଲ, ଫଳରେ ହସେଇ ଦେଇ ଯା 

 ଆ ବରଷା ଆ’। 

 

 ଟାଙ୍ଗରା ଏବେ ଦିଶୁଛି  କ୍ଷେତ 

 ତା ଧାରେ ନଈ ଗାଉନି  ଗୀତ 

 କ୍ଷେତ ଆସି ତୁ ଚଷେଇ  ଦେଇ ଯା 

 ଆ ବରଷା ଆ ’।

 

 ଧରାରେ ଯେତେ ଜୀବ ଜଗତ 

 ତୋ ବିନା ସବୁ କି  ହନ୍ତସନ୍ତ 

 ସଭିଙ୍କୁ ଆସି ଭିଜେଇ  ଦେଇ ଯା 

 ଆ ବରଷା ଆ!! ’।

 

 ∎ 

  

         ଫୋନ- 9437000636