କୁନି ଝିଅ
କୀର୍ତ୍ତନ ସାହୁ
ଡିସେମ୍ବର: ୨୦୨୪
Canonical: https://sishu.kabitawithoutborders.org/shishu/article_details-11b92a6ec9.html

ଆମ କୁନି ଝିଅ କଅଁଳ  ପାଦ 


                                  ଥାପି ଦେଲେ ଶୁଭେ  ମଧୁର ନାଦ 


                                  ଗେହ୍ଲି ଝିଅଟିଏ ଆମ 


                                  `  ଡୁଡୁଲି ` ତାହାର ନାମ । 


ନିଅ ତାକୁ ଟିକେ  କୋଳେଇ ନିଅ 


                                  କଥା କହି ଟିକେ  ଗେହ୍ଲେଇ ଦିଅ 


                                  ହସି ଦେବ ଫି `  କରି 


                                  କିଏ ହେବ ତାହା ସରି । 


ସିଏ ପରା ଘର ମୁକୁତା  ମଣି 


                                  ନ ଥାଉରେ ଘରେ ଗୋଟିଏ  ଅଣି 


                                  ହେଲେ ଘର ପୂରି ଉଠେ 


                                  ସରଗ ସୁଷମା ତୁଠେ । 


କୁନି ଝିଅ ମିଠା  କଥାଟି କହେ 


                                  ସତେ ଅବା ମଧୁ ମଳୟ  ବହେ 


                                  ଡାକି ଦେଲେ ଧାଇଁ ଆସେ 


                                  ବସି ଯାଏ ଆମ ପାଶେ । 


ଧୀରେ ଧୀରେ ଦିନେ ବଡ  ସେ ହେବ 


                                  କେତେ ଭଲ ଗୁଣ ଦେଖେଇ  ଦେବ 


                                  କାମ ତା କଅଁଳ ଖରା 


                                  ଆମ କୁନି ଝିଅ ପରା । 





                                             ∎  


                                  ମିଶ୍ର କଲୋନୀ 


                                  ଶାଳପଡ଼ା, କେନ୍ଦୁଝର 


                                  ଦୂରଭାଷ – ୯୪୩୮୪୧୪୭୦୧