ମିଠା ମହକ :‌ ଜୀବନ ଫୁଲ
ପ୍ରଶାନ୍ତ କୁମାର ଦାଶ
ଫେବୃଆରୀ: ୨୦୨୫
Canonical: https://sishu.kabitawithoutborders.org/shishu/article_details-10222a9a15.html

କାହାର ଦୁଃଖ ଦେଖିଲେ ଥରେ 

                                  ଛାତିରେ ଉଠେ କୋହ 

                                  ଆପଣା ଛାଏଁ ଖସି ପଡଇ 

                                  ଆଖିରୁ ଧାରେ ଲୁହ ||

 ସ୍ନେହ ପ୍ରେମର ଝରଣା ବୋହେ 

                                  ଦୁନିଆଛାତି ପରେ 

                                  ମିଠା ମହକ ବଚନ ଶୁଣି 

                                  ଦୁଃଖ ଆବେଗ ସରେ ||

 ମରମତଳେ ସବୁରି ପାଇଁ 

                                  ସମବେଦନା ରଖି 

                                  କରିଲେ ହିତ ପୁଲକେ ଚିତ୍ତ 

                                  ଛୁଟଇ ମନପକ୍ଷୀ ||

 ଦୁନିଆହିତ ସାଧିଲେ ପାଏ 

                                  ମଣିଷ ଦିନେ ପୂଜା 

                                  ନଥାଏ ଶିରେ ମୁକୁଟ ସିଏ 

                                  ହୁଏ ରାଇଜ ରାଜା ||

 ମହକି ଉଠେ ଜୀବନଫୁଲ 

                                  ଜଗତ ହୁଏ ଖୁସୀ 

                                  ସରଗୁ ପୁଣି ଧରଣୀ କୋଳେ 

                                  ପଡ଼ଇ ସୁଧା ଖସି ||

                                              ∎  

 କୁଞ୍ଜର -ସଙ୍ଗଳାଇ 

                                  ପିପିଲି -ପୁରୀ 

                                  ମୋବାଇଲ -୯୬୬୮୮୨୨୧୯୦