ଆସ ଲଗାଇବା ଗଛ
ପଣ୍ଡିତ ମଧୁସୂଦନ  ମିଶ୍ର
ଜୁଲାଇ: ୨୦୨୬
Canonical: https://sishu.kabitawithoutborders.org/shishu/article_details-0ef4533643.html

କଥାଟି ସତ ନୁହଁଇ ମିଛ 

  ଆମରି ମିତ ଗଛ । 

  ତାହାରି ପାଇଁ  ପରିବେଶଟା 

  ହୁଅଇ ପୁରା ସ୍ଵଚ୍ଛ   ।। 

  ଗଛ ନଥିଲେ  ଗରମ ବଢେ 

  ହୁଏନି ଜମା ବୃଷ୍ଟି  । 

  ଧରଣୀ ଭୂଇଁ   ଟାଙ୍ଗରା ଦିଶେ 

  ବିଗିଡି ଯାଏ ସୃଷ୍ଟି  ।। 

  ଫଳ ସହିତ    ଗଛ ଆମକୁ 

  ଦିଅଇ ଅମ୍ଳଜାନ । 

  ଅଙ୍ଗାରକାମ୍ଳ   ଶୋଷଣ କରି 

  ରଖେ ଆମରି ମାନ ।। 

  ଗଛ ଡାଳରେ   ପଶୁପକ୍ଷୀଏ 

  କରନ୍ତି ବସବାସ  । 

  ଗଛ ପାଇଁତ   ପ୍ରକୃତି ରାଣୀ 

  ଦିଶଇ ହସହସ  ।। 

  ଆଗ ପରିକା  ଘଞ୍ଚ ଜଙ୍ଗଲ 

  କେଉଁଠି ଦିଶୁନାହିଁ  । 

  ଜଙ୍ଗଲ ହାତୀ   ଖାଦ୍ୟ ନପାଇ 

  ଗାଆଁ ଆସନ୍ତି ଧାଇଁ  ।। 

  ବରଷା ଦିନେ   ଯତନ କରି 

  ଲଗାଇଦେବା ଗଛ । 

  ପରିବେଶର    ପ୍ରଦୂଷଣକୁ 

  ଗଛ କରଇ ସ୍ଵଚ୍ଛ ।। 

  ଗଛ ପରିକା   ପରମ ବନ୍ଧୁ 

  ଜଗତେ ନାହିଁ କେହି । 

  ବିନା କାରଣେ ଗଛକୁ  ଆମେ 

  କେବେ କାଟିବା ନାହିଁ  ।। 

∎ 

  କେନ୍ଦୁଝର