ରହିଯା ପରଜାପତି
ସୁଭାଷ ଚନ୍ଦ୍ର ଭୂତିଆ
ଫେବୃଆରୀ: ୨୦୨୫
Canonical: https://sishu.kabitawithoutborders.org/shishu/article_details-0b73a3b02a.html

ରହିଯା ପରଜାପତି

                                  ଯାଆନା ଉଡି

                                  ତୋ ପାଇଁ ରଖିଛି ମୁହିଁ

                                  ଫୁଲ ସଜାଡି ।

                                  ଝୁଡ଼ିରେ  ରଖିଛି ଦେଖ

                                  ଟଗର ହେନା

                                  ଗେଣ୍ଡୁ ମାଳତୀ ଚମ୍ପା

                                  ଭାରି ବାସନା

                                  ମନ୍ଦାର ଫୁଲଟି   ମୁହଁ

                                  ନାଳିଆ କରି

                                  ରାଗରେ ଚାହିଁଛି ତୋତେ

                                  ଫୁଲେଇ ଭାରି ।

                                  ଅତର ଲଗାଇ ଦେହେ

                                  ମଧୁ ମାଳତୀ

                                  ମଉନେ ବସିଛି ହାତେ

                                  ଧରି ଆଳତୀ ।

                                  ସରାଗରେ ମଲ୍ଲୀ ଫୁଲ

                                  ସଫେଦ ପାଟ

                                  ପିନ୍ଧି ଚାହିଁ ରହିଅଛି

                                  ତୋହରି ବାଟ ।

                                  ସେବତୀ ସଜାଇ ମୁହଁ

                                  ସୁନ୍ଦର କରି

                                  ତୋତେ ଭାବି ମନ ତାର

                                  ଯାଉଛି ମରି ।

                                  ରଜନୀଗନ୍ଧା ର ବାସ

                                  ଚହଟି ଯାଏ

                                  ତୋ ପାଇଁ କା ସାଥେ ସେହୁ

                                  କଥା ନହୁଏ ।

                                  ଯାଆନା ପରଜା ପତି

                                  ଆମକୁ ଛାଡି

                                  ଆମ ସାଥେ ତୋର ଭାବ

                                  ହୋଇବ ଯୋଡି ।



                                             ∎  

                                  ଡିହଡୋଳ,ପରଜଙ୍ଗ,ଢେଙ୍କାନାଳ

                                  ମୋ-୮୦୧୮୮୮୪୮୦୬