ହୋଲି ଖେଳ ଭାରି ବଢ଼ିଆ
ଶ୍ରୀ  କୁଞ୍ଜବିହାରୀ ସାହୁ
ମାର୍ଚ୍ଚ: ୨୦୨୫
Canonical: https://sishu.kabitawithoutborders.org/shishu/article_details-086fa2c541.html

ମୁନି  ଡାକିଦେଲା ଆ`  ଲୋ  କୁନି


                                  ରଙ୍ଗ  ବୋଳାବୋଳି ହୋଇବା,


                                  ହୋଲି  ଖେଳି ଖେଳି ସରିଲେ ବେଳ 


                                  ଘରେ  ଦୁହେଁ ଆମେ ଖାଇବା । 


କୁନି  କହିଦେଲା ହଁ ଲୋ ମୁନି 


                                  ହୋଲିଖେଳ  ଭାରି ବଢ଼ିଆ,


                                  ହୋଲି  ଖେଳିବାକୁ ଚାଆଲେ ଯିବା 


                                  ଘର  ପାଖ ଘାସ ପଡ଼ିଆ । 


ମୁନି  କୁନି ଦିହେଁ ହୋଇଲେ ସାଥୀ 


                                  ମଜା  ମଉଜରେ ଖେଳିଲେ,


                                  ନାଲି, ନେଳି,  ଧଳା, ଶାଗୁଆ ରଙ୍ଗ


                                  ଦେହସାରା  ଦୁହେଁ ବୋଳିଲେ । 


ରୁନୁ, ମୁନୁ,  ଝୁନୁ, ଟୁକୁନା, ଟୁନା


                                  ସାଙ୍ଗମାନେ  ଆସି ମିଶିଲେ,


                                  ହସି  ହସି ରଙ୍ଗ ହୋଇଲେ ବୋଳି 


                                  ଜୋକର  ପରିକା ଦିଶିଲେ । 


ହସି  ଖେଳି ଖେଳି ନାଚିଲେ ଥେଇ 


                                  ଯେଝା  ଘର ଯିଏ ଫେରିଲେ,


                                  ଘରେ  ଖାଇ ପିଇ କରିଲେ ମଜା 


                                  ହୋଲିଖେଳଟିକୁ  ଝୁରିଲେ । 





                                       ∎  


                                 ଭୁବନେଶ୍ବର  


                                  ୭୦୦୮୧  ୪୨୦୪୦