ବାଘମାମୁ ଦିନେ
ଡକ୍ଟର ଅରୁଣ କୁମାର ପଣ୍ଡା
ଅକ୍ଟୋବର: ୨୦୨୫
Canonical: https://sishu.kabitawithoutborders.org/shishu/article_details-073b72691a.html

ବାଘମାମୁ ଦିନେ ବୁଲି ବାହାରିଲା 

  ପହଞ୍ଚିଲା ଯାଇ ବଜାର 

  ଦେଖିଲା ଦୋକାନ ଗାଡ଼ି ମୋଟର ତ 

  ଲୋକ ଯେ ହଜାର ହଜାର । 

  ଭାବିଲା ମନରେ ସହରଟା ଭଲ 

  ଅଛି ସୁଖ ଶାନ୍ତି ବହୁତ 

  ଏଇଠି ରହିବି ରାଜା ବୋଲାଇବି 

  ବଢିଯିବ ମାନ ମହତ । 

  ଗରଜିଲା ସିଏ ଚାରିଆଡ ଚାହିଁ 

  ମନରେ ଆନନ୍ଦ ଖେଳାଇ 

  ଲୋକମାନେ ଦେଖି ବାଘକୁ ନିକଟେ 

  ଏଣେ ତେଣେ ଗଲେ ପଳାଇ 

  ଜଙ୍ଗଲ ବିଭାଗ ଅଧିକାରୀ ଆସି 

  ବାଘକୁ ଯେ କାବୁ କରିଲେ 

  ବୁଦ୍ଧି ଖଟାଇକି କେଡେ କଉଶଳେ 

  ପିଞ୍ଜରା ଭିତରେ ଭରିଲେ 

  ବାଘମାମୁ ଏବେ କୁଆଡେ଼ ବା ଯିବ 

  ଅକାରଣେ ବୁଦ୍ଧି ହଜିଲା 

  ଜଙ୍ଗଲ ମୋହର ଭାରି ଭଲ ଥିଲା 

  ସହରଟା ମନ୍ଦ ହେଜିଲା 

  ନିଜ ମାତୃଭୂମି ନିଜର ଗୋୖରବ 

  ଥିଲେ ଥାଉ ପଛେ ଅଭାବ 

  ପର ରାଇଜରେ ଭାଉ ଦେଖାଇଲେ 

  ତୁଟି ଯାଏ ସବୁ ବିଭବ  ।। 

∎ 

ଗ୍ରାମ/ପୋ -ତୋଟାପଡା 

  ଭାୟା -ଘଣ୍ଟେଶ୍ଵର 

  ଜିଲ୍ଲା -ଭଦ୍ରକ -୭୫୬୧୨୯ 

  ମୋ ୯୯୩୭୬୭୨୭୦୮