ଭୁଦିଆ  ଖରା
ଧ୍ରୁବ  ଚରଣ ଘିବେଲା
ସେପ୍ଟେମ୍ବର: ୨୦୨୫
Canonical: https://sishu.kabitawithoutborders.org/shishu/article_details-066cbd7f21.html

ଭୁଦ ମାସର ଭୁଦିଆ ଖରା 

  ଖରାଦିନଠୁ ବଳି 

  ଟାଣ ଖରାକୁ ଜୀବଜନ୍ତୁ ବି 

  ବାହାରନ୍ତିନି ଚରି I

  ଖରାଦିନିଆ ଖରା ଭଳିଆ 

  ଭୁଦମାସିଆ ଖରା 

  ଦେହକୁ କାଟେ ମୁଣ୍ଡକୁ ଭେଦେ 

  ଅତି ଟାଆଣ ଖରା I  

  ଭୁଦର ସାଥେ ଶରତ ଆସେ 

  ନିର୍ମଳ ଶୋଭା ନେଇ 

  ସରସୀ ଜଳ କାଚ ପରିକା 

  ସଫା ସଫେଦ ଥାଇ I

  ଯେଉଁଠି ଦେଖ ଦେଖି ପରଖ 

  ସ୍ୱଚ୍ଛତା ଥାଏ ସେଠି 

  ସ୍ୱଚ୍ଛ ପ୍ରକାଶ ସାରା ଜଗତ 

  ସୁନ୍ଦରତା ସବୁଠି I

  ଧବଳ ବେଶେ କାଶ ଯେ ହସେ 

  ପବନ ସାଥେ ଖେଳି 

  ଥାଏ ସବୁଠି ତା` ଉପସ୍ଥିତି

  ସାଥି ପବନ ଦୋଳି I

  ଭୁଦିଆ ଖରା ଟାଣ ହେଲେ ବି 

  କାଶ ହୁଅଇ ଉଭା 

  କାଶ ସୁନ୍ଦରୀ ଶରତ ଶୀରି  

  ବାଢ଼େ ଶରତ ଶୋଭା I

  ନାହିଁ ଖାତିରି ଭୁଦ ଖରାକୁ 

  କ୍ଷେତରେ ଚାଷୀ ଭାଇ 

  ବାଳୁଙ୍ଗା ବଛା କାମରେ ଥାଏ 

  ବେଳାରେ ଖାଇ ପିଇ I  

  ଭୁଦ ମାସର ଶୁକୁଳ ପକ୍ଷ 

  ଚତୁର୍ଥୀ ତିଥି ଦିନ 

  ପୂଜା ପାଆନ୍ତି ପାଠର ଦିଅଁ 

  ଗଣେଶ ଗଜାନନ I

  ଏଇ ମାସର ତିଥି ତିହାର 

  ନୂଆଖାଇ ପରବ 

  ନୂଆ ଅନ୍ନକୁ ମାଟିମାଆକୁ 

  ସଅଁପିବାରେ ଗର୍ବ I

  ନଡରି ଭୁଦ ମାସିଆ ଖରା 

  ପାଳୁ ପରବ କେତେ 

  ପାଳି ପରବ ଗରବ ଭାବ 

  ସାଉଁଟି ଥାଉ ସେତେ I

∎  

 ବଉଦରାଜ -762014, ଜି.  ବୌଦ୍ଧ

  ମୋ.9437478466