କୋଇଲି ଗାଉଛି ଗୀତ
ମନୋରମା ମିଶ୍ର
ଏପ୍ରିଲ: ୨୦୨୬
Canonical: https://sishu.kabitawithoutborders.org/shishu/article_details-033097e570.html

କୋଇଲି ଗାଉଛି ଗୀତ  ଶୀତ ଯାଇ ଏବେ ବସନ୍ତ  ଆସିଛି 

  ଅପରୂପ ଶୋଭା ନେଇ,

  ଫୁଲର ଫଗୁଣ ଚପଳ ଚଇତ 

  ଆଣିଛି ସାଙ୍ଗରେ ସେହି  ॥ 

ନାହିଁ ଶୀତ ନାହିଁ  ଖରାର ପ୍ରକୋପ 

  ନାହିଁ ଭୟ ବରଷାର,

  ସବୁ ରୁତୁଠାରୁ ସାର  ବୋଲି ସିଏ 

  ରୁତୁରାଜ ନାମ ତା`ର ॥ 

ଥୁଣ୍ଟାଗଛ ଦେହେ  କଅଁଳି ପତର 

  ଗହଳ ଦିଶୁଛି ସେ`ତ ,

  ଆମ୍ବଡାଳେ ଲୁଚି  କୁହୁକୁହୁ ସୁରେ 

  କୋଇଲି ଗାଉଛି ଗୀତ ॥ 

କୋଇଲିର ସ୍ୱର କେଡେ  ସୁମଧୁର 

  ଶୁଣିଲେ ଲାଗଇ ଖୁସି,

  ରୂପ ସିନା କଳା ହେଲେ  କି ହୋଇବ 

  ସ୍ୱର ତା` ମଧୁର ବେଶି ॥ 

କେଉଁଠି କେଜାଣି ଥାଏ  ସେ`କୋଇଲି 

  ବସନ୍ତ ଆସିଲେ ଆସେ ,

  ମଳୟ ପବନ ସାଥେ ତା`ର ଗାନ 

  ସଭିଙ୍କ ପ୍ରାଣକୁ  ତୋଷେ ॥ 

ରୂପଠାରୁ ଗୁଣ ପାଏଟି  ଆଦର 

  ଏହି ବାରତା ସେ` ଦେଇ ,

  ବସନ୍ତ ସହିତ ଫେରିଯାଏ  ତା`ର 

  କୁହୁ ସ୍ୱନ ସାଥେ ନେଇ  ॥ 

∎ 

  ନୀଳାଦ୍ରିବିହାର 

  ଭୁବନେଶ୍ୱର