ଫୁଟିଯାଅ ତୁମେ ଫୁଲ ପରି
ଅନନ୍ତ କୁମାର ସେନାପତି
ଫେବୃଆରୀ : ୨୦୨୬
Canonical: https://sishu.kabitawithoutborders.org/shishu/article_details-032393ae05.html

ଫୁଟିଯାଅ ତୁମେ ଫୁଲ ପରି 

  କାନନେ ମହକ ଦିଅ ଭରି 

  ନୂଆ ନୂଆ ଜ୍ଞାନ ଅରଜନ କରି 

  ଭଲ କାମ ଯେତେ ଯାଅ କରି       । 

ମଧୁର ବଚନ ସଦା କହି 

  ଆଗକୁ ଆଗକୁ ଯାଅ ବହି 

  ଯେତେ ଦୁଃଖ ଆସୁ ଜୀବନ ପଥରେ 

  ଧରଣୀ ପରିକା ନିଅ ସହି       । 

ଜଗତେ ସଭିଙ୍କୁ ଭଲ ପାଅ 

  ଦୁଃଖ ରେ ସୁଖ ରେ ପାଖେ ଥାଅ 

  ଯେଉଁଠି ଥିଲେ ବି ଜନମ ମାଟିର 

  ଜୟଗାନ ସଦା କରୁଥାଅ       । 

କାମ କରିଯାଅ ବୀର ପରି 

  ସବୁ ମନେ ଖୁସି ଯାଉ ଝରି 

  ନୂଆ ଆଲୋକରେ ଭରିଦେବ ଦିନେ 

  ଆଉ କିଏ ହେବ ତୁମ ସରି     । 

କେଡେ ମଧୁମୟ ଏହି ଧରା 

  ସବୁଜ ସୁନ୍ଦର ଅଛି ଭରା 

  ଯତନ କରିଲେ ସରଗର ଖୁସି 

  ଆମରି ପାଇଁକି ଝରିଯିବ ଆସି 

  କେତେ ସାରା    । 

∎ 

  ବାଣ୍ଠୁପଡା, ରାଜଗାଙ୍ଗପୁର, ସୁନ୍ଦରଗଡ଼ 

  ଫୋନ  7008304225