ଆମେ ବି ପାରିବା
କୀର୍ତ୍ତନ ସାହୁ
ମଇ: ୨୦୨୪
Canonical: https://sishu.kabitawithoutborders.org/shishu/article_details-01580e52c6.html

ଦେଖରେ ସାଧନା ସକାଳ ସଞ୍ଜରେ 

                                   ଗଛ ମୂଳେ ଦିଏ ପାଣି 

                                   ଖରାରେ ଗଛଟି କାଳେ ଶୁଖି ଯିବ 

                                      ମନ  କଥା ତାର ଜାଣି। 

 ଦେଖରେ ଶ୍ରୀମୟ ପାଣି ଭରୁଅଛି 

                                   ବାହାରେ ହାଣ୍ଡିଟେ ରଖି 

                                   ଶୋଷିଲା ହୋଇଲେ ପିଇବେ ଆସିରେ 

                                     ଗୋରୁ  ଗାଈ ପଶୁ ପକ୍ଷୀ। 

 ସୋନୁ ଆଉ ମନୁ ମାଟି ପାତ୍ର ରଖି 

                                   ଥଣ୍ଡା ପାଣି ଭରୁଛନ୍ତି 

                                   ବାଟୋଇ ଆସିଲେ ବସାଇ ଛାଇରେ 

                                  ପିଇବାକୁ ଦୋଉଛନ୍ତି ।

 ଆମ ଚନ୍ଦୁ ଭାଇ ଅଟୋରେ ବସାଇ 

                                   ଘରେ ଛାଡୁଛନ୍ତି ନେଇ 

                                   ଏମିତି ଖରାରେ ପଇସା ନ ନେଇ 

                                  ଭାରି  ଖୁସି ସେବା ଦେଇ। 

 ଆମେ ବି ପାରିବା ଭଲ କାମ କରି 

                                   ରଖି ଆମେ ଭଲ ମନ 

                                   ଚାଲିବା ପଥରେ ସେବା କରି ଯିବା 

 ପଶୁ ପକ୍ଷୀ ହେଉ ଜନ 

  ∎ 

                                    ମିଶ୍ର କଲୋନୀ 

                                   ଶାଳ ପଡ଼ା , କେନ୍ଦୁଝର

                                   ଦୂରଭାଷ - ୯୪୩୮୪୧୪୭୦୧